هاويث أشال داد أگ إلّا وفگان

× محمد أحوزار (°)

هاويث أشال داد أگ إلّا وفگان

(هنا الأرض وهنا الإنسان )

 ثاغول ثمازيغث أسّا لّاثسلهو

هان أگلّيد إشفاس أينّا ثرزا

يودجاد السادس ثيميثار گجدير

إوا يدّاد سانسا نّا يكّا يبّاس

سبحان الله إفسان أوغا توبدّال

سا د مراو إشثوبر أداس نگ أحدجام

ثاغول ثمازيغث أسّا لّاثسلهو

گ الترسيم إشفاس أمور إبدّاس

لّا توسلمادن ثفيناغ أم أومزروي

تسول ثماوايث د وورار أوحيدوس

سولّ إزضوان نثمحراش لّا نزّان

أ ثدلسا نو وور إيلّي بضو نگراغ

أغولّ إيمازيغن أسّا لّاتمجبار

لّان إمغناسن تمسمونين إعدّان

لّان ايث فزاز داتاسين أنزووم

إلين إريفيين لّا سولّ گ شبار

إلين إسوسين مراران گ گراو

أدْ أوضْغْ أسامر ألتو ، سانيگ لّان أيث تصارث بورزنين

ثسول ثماگّيت لّا ييثكّاث گ وول

ثسول ثمازيغث أدي تدّو گّْ دمار

هاياش إنازور هياويث إمرزان

هاش أيث واوال حضونين إزرفان

وا هاويث أشال داد أگ إلّا وفگان

مزداين ويد أينوفا جاج أومزروي

إيض أوسگّاس إض ن ناير بويگريس

تيگّا يخف ؤسگّاس ، إميري نس أديقيم گ وول

هان أگليد إشفاغ أينّا نرزا

ربي أداس إيشف ألتو النصر إعدان

ماغاس ييغ إثشنا لّاتگ إلگْنانْ

ثوالف غاس إخفنس إيسْ تُوصْنباض

گاثاغ أفوس گّ فوس أنوث أحزّام

ثسول ثمازيغث أديس ندّو غر داث

ⵡⴰ ⵀⴰⵡⵉⵜ ⴰⵛⴰⵍ ⴷⴰⴷ ⴰⴳ ⵉⵍⵍⴰ ⵓⴼⴳⴰⵏ

ⵜⴰⵖⵓⵍ ⵜⵎⴰⵣⵉⵖⵜ ⴰⵙⵙⴰ ⵍⵍⴰ ⵜⵙⵍⵀⵓ

ⵀⴰⵏ ⴰⴳⵍⵍⵉⴷ ⵉⵛⴼⴰⵙ ⴰⵢⵏⵏⴰ ⵜⵔⵣⴰ

ⵢⵓⴷⵊⵊⴰⴷ ⵙⵙⴰⴷⵉⵙ ⵜⵉⵎⵉⵜⴰⵔ ⴳ ⵊⴷⵉⵔ

ⵉⵡⴰ ⵉⴷⴷⴰⴷ ⵙⴰⵏⵙⴰ ⵏⵏⴰ ⵉⴽⴽⴰ ⵉⴱⴱⴰⵙⵙ

ⵙⴱⵃⴰⵏ ⵍⵍⴰⵀ ⵉⴼⵙⴰⵏ ⵓⵖⴰ ⵜⵜⵓⴱⴷⴷⴰⵍⵍ

ⵙⴰ ⴷ ⵎⵔⴰⵡ ⵉ ⵛⵜⵓⴱⵕ ⴰⴷ ⴰⵙ ⵏⴳ ⴰⵃⴷⵊⵊⴰⵎ

ⵜⴰⵖⵓⵍ ⵜⵎⴰⵣⵉⵖⵜ ⴰⵙⵙⴰ ⵍⵍⴰ ⵜⵙⵍⵀⵓ

ⴳ ⵜⵜⵕⵙⵉⵎ ⵉⵛⴼⴰⵙ ⴰⵎⵓⵔ ⵉⴱⴷⴷⴰⵙ

ⵍⴰ ⵜⵓⵙⵍⵎⴰⴷⵏ ⵜⴼⵉⵏⴰⵖ ⴰⵎ ⵓⵎⵣⵔⵓⵢ

ⵜⵙⵓⵍ ⵜⵎⴰⵡⴰⵢⵜ ⴷ ⵡⵓⵔⴰⵔ ⵓⵃⵉⴷⵓⵙ

ⵙⵓⵍⵍ ⵉⵥⴹⵡⴰⵏ ⵏ ⵜⵎⵃⵕⴰⵛ ⵍⵍⴰ ⵏⵣⵣⴰⵏ

ⴰ ⵜⴰⴷⵍⵙⴰ ⵏⵓ ⵓⵔ ⵉⵍⵍⵉ ⴱⵟⵟⵓ ⵏ ⴳⵔⴰⵖ

ⴰⵖⵓⵍⵍ ⵉⵎⴰⵣⵉⵖⵏ ⴰⵙⵙⴰ ⵍⵍⴰ ⵜⴻⵎⵊⴱⴰⵕ

ⵍⵍⴰⵏ ⵉⵎⵖⵏⴰⵙⵏ ⴷ ⵜⵎⵙⵎⵓⵏⵉⵏ ⵉⵄⴷⴷⴰⵏ

ⵍⵍⴰⵏ ⴰⵢⵜ ⴼⴰⵣⴰⵣ ⵍⵍⴰ ⵜⵜⴰⵙⵉⵏ ⴰⵏⵣⵡⵡⵓⵎ

ⵉⵍⵉⵏ ⵉⵔⵉⴼⵉⵏ ⵍⵍⴰ ⵙⵓⵍ ⴳ ⵛⴱⴰⵕ

ⵉⵍⵉⵏ ⵉⵙⵓⵙⵉⵏ ⵎⵔⴰⵔⴰⵏ ⴳ ⴳⵔⴰⵡ

ⴰⴷ ⴰⵡⴷⵖ ⴰⵙⴰⵎⵎⵔ ⴰⵍⵜⵓ ⵙ ⴰⵏⵉⴳ ⵍⵍⴰⵏ ⴰⵢⵜ ⵜⵚⴰⵕⵜ ⴱⵓⵔⵣⵏⵉⵏ

ⵜⵙⵓⵍ ⵜⵎⴰⴳⴳⵉⵜ ⵍⵍⴰ ⵢⵉⵜⴽⴽⴰⵜ ⴳ ⵓⵍ

ⵜⵙⵓⵍ ⵜⵎⴰⵣⵉⵖⵜ ⴰ ⴷⵉ ⵜⴷⴷⵓ ⴳ ⴷⵎⴰⵔ

ⵀⴰⵢⴰⵛ ⵉⵏⴰⵥⵓⵕ ⵀⴰⵢⴰⵡⵉⵜ ⵉⵎⵔⵣⴰⵏ

ⵀⴰⵛ ⴰⵢⵜ ⵡⴰⵡⴰⵍ ⵃⴹⴰⵏⵉⵏ ⵉⵣⵔⴼⴰⵏ

ⵡⴰ ⵀⴰⵡⵉⵜ ⴰⵛⴰⵍ ⴷⴰⴷ ⴰⴳ ⵉⵍⵍⴰ ⵓⴼⴳⴰⵏ

ⵎⵣⴷⴰⵢⵏ ⵡⵉⴷ ⴰⵢ ⵏⵓⴼⴰ ⵊⴰⵊ ⵓⵎⵣⵔⵓⵢ

ⵉⴹ ⵓⵙⴳⴳⵯⴰⵙ ⵉⴹ ⵏ ⵏⵏⴰⵢⵔ ⴱⵓ ⵓⵢⵔⵉⵙ

ⵜⵉⴳⴳⴰ ⵉⵅⴼ ⵓⵙⴳⴳⵯⴰⵙ ⵉⵎⵉⵔⵉ ⵏⵏⵙ ⴰⴷ ⵉⵇⵇⵉⵎ ⴳ ⵓⵍ

ⵀⴰⵏ ⴰⴳⵍⵍⵉⴷ ⵉⵛⴼⴰⵖ ⴰⵢⵏⵏⴰ ⵏⵔⵣⴰ

ⵕⴱⴱⵉ ⴰⴷ ⴰⵙ ⵉⵛⴼ ⴰⵍⵜⵓ ⵏⵏⵚⵕ ⵉⵄⴷⴷⴰⵏ

ⵎⴰ ⵖⴰⵙ ⵉⵖ ⵉ ⵜⴰⵛⵏⴰ ⵍⵍⴰ ⵜⵜⴳ ⵉⵍⴳⵏⴰⵏ

ⵜⵡⴰⵍⴼ ⵖⴰⵙ ⵉⵅⴼ ⵏⵏⵙ ⵉⵙ ⵜⵜⵓⵚⵏⴱⴰⴹ

ⴳⴰⵜⴰⵖ ⴰⴼⵓⵙ ⴳ ⴼⵓⵙ ⴰ ⵏⵓⵜ ⴰⵃⵣⵣⴰⵎ

ⵜⵙⵓⵍ ⵜⵎⴰⵣⵉⵖⵜ ⴰⴷ ⵉⵙ ⵏⴷⴷⵓ ⵖⵔ ⴷⴰⵜ

ــــــــــــــــــــــــــــ

(°) شاعر أمازيغي، نائب الثقافة والشباب (قطاع الشباب)